Earth4all &All4earth
مرحبا بك فى EARTH4ALL & ALL4EARTH
نتمنى أن تستفيد معنا وتشاركنا وتتفاعل مع الاعضاء بإيجابية

Earth4all &All4earth

منتدى علمى وترفيهى
 
الرئيسيةالرئيسية  س .و .جس .و .ج  بحـثبحـث  التسجيلالتسجيل  دخولدخول  
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
بحـث
 
 

نتائج البحث
 
Rechercher بحث متقدم
المواضيع الأخيرة
» عملى الـmineral للفرقة الثانية "ج206"
الإثنين 09 سبتمبر 2013, 1:39 am من طرف jasjab72

» عملى sedimentary
الإثنين 09 سبتمبر 2013, 12:58 am من طرف jasjab72

» للفرقة الثانية محاضرات "stratigraphy" لدكتور عدلى حلبة <2007-2008>
الإثنين 09 سبتمبر 2013, 12:55 am من طرف jasjab72

» شرح ملخص لكل مقرر الـ structure "جــــــــامـــــــــد جـــــــدا" للفرقة الثانية ويمكن ان يفيد الفرقة الأولى
الإثنين 09 سبتمبر 2013, 12:49 am من طرف jasjab72

» اخر محاضرات ال remote sensing
الأحد 19 فبراير 2012, 1:19 pm من طرف sameh el massry

» صور الـ Field mapping ج404 "مهمة عشان رحلة الفيلد"
الأحد 19 فبراير 2012, 1:15 pm من طرف sameh el massry

» المصحف الشريف تقلب صفحاته بنفسك
الإثنين 26 ديسمبر 2011, 9:24 am من طرف عوكل

» قدِّم الخير لمن يحتاجه
الثلاثاء 01 نوفمبر 2011, 6:00 am من طرف Admin

» منح باينرى مصر
الثلاثاء 27 سبتمبر 2011, 4:35 pm من طرف binary.egypt

التبادل الاعلاني
ازرار التصفُّح
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث

شاطر | 
 

 هتجيب امتياز السنة دي بإذن الله

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


عدد المساهمات : 163
تاريخ التسجيل : 21/05/2008

مُساهمةموضوع: هتجيب امتياز السنة دي بإذن الله   الإثنين 25 أكتوبر 2010, 6:25 am

السلام عليكم


الى كل اللي بيحب المذاكره

الى كل اللي مبيحبش المذاكره

والى كل اللي نفسه يحب المذاكره

والى كل اللي الوقت زنقه


والى كل اللي محبط بسبب ضيق الوقت وكتر المواد


والى كل واحد وواحده في التعليم وخارجه


انا بهدي الكلمات دي لحضراتكم


**************

في البدايه صلي على النبي

ووحد الله

وهدي نفسك


ومتتعصبش لما اقولك ان المذاكره شيئ جميل جدا


في ايييييييييييه ؟؟؟ لسه بقول لحضرتك متتعصبش عليا


دانا بحبك ، ورايدلك الخيييييييييييييييييير


صلي على النبي تاني


صلي !!!!!!

كل الحكايه ان انا عايز اعرف انت بس شايل هموم الدنيا على دماغك ليه ؟؟؟

والله الكتب معانا والوقت معانا وربنا معانا

ودلوقتي حاللا هديك وصفه ايمانيه نفسيه تاخدها على الريق وتدعيلي


انا كنت بعملها ايام الامتحانات لما ادخل جو الامتحانات

اولا : هات كتبك ومن فوق في الحته البيضه اكتب اللي هقولك عليه ده

** جدد نيتك **

وتحتها على طول تكتب

لله / للنبي / للاسلام / للامه / للوالدين / للأحباب / للنفس

وركز معايا في الكلام اللي جاي ده عشان هو اللي بيه هنذاكر مذاكره ملهاش حل


بعد الحمد لله والصلاة والسلام على رسول الله


كل الموضوع بما فيه ان انا عايز مع بعض نعلي هتمنا ونفسيتنا للمذاكره
والحقيقي ان المذاكره عمل من احب احب احب الاعمال اللي ربنا بيحبها مننا
عشان كده كان لازم نتكلم فيها مع بعض


ودلوقتي تعالى ناخد العناصر اللي كتباها
اولاا : لله : ( وعيييييييش معايا بقه )


* ربنا امرنا بالزياده في العلم ( وقل ربي زدني علما ) فانت هتكون بمذاكرتك طاااااااائع لربنا اوي
* هو بيحب عبادة الوقت ، والوقت ده وقت امتحانات ومذاكره ، يبقة هو حاببنا نذاكر . فمبروك علينا اننا بنعمل حاجه ربنا بيحبها ، يا بختنا بربنا بجد ، غيرنا بيذاكر ومش هياخد في اخرته حاجه ، والاعجب ان فيه غيرنا بيذاكر عشان يهدم دينا .
* كمان يا بختنا بجد بعداد الحسنات اللي هيتفتح مش هيبطل ابدا طوووول ماحنا بنذاكر
* تخيل تعبك في الدنيا وانت على الكتاب مع راحتك على سريرك في الجنه ، وتخيل فرحك في الجنه بفرحة نجاحك ، ماهو زي ما قال العندليب : ما لقيت فرحان في الدنيا زي الفرحان بنجاحه .
* تخيل لما ربك يحط في قلبك انك عبد رباني بطاعتك ليه ، يااااااااااااااااااا بختك بجد .
مش هطول عليك اكتر من كده ، نروح لتاني عنصر ( النبيييييييييييييييي ) حبيبك ، ما تصلي عليه .


*** للنبي :
* هو امرنا بالعلم : فيا بختك بتنفيذ امره ، وطاعتك ليه .

* هو كان بيفرح بالمتعلمين ، فمبروك عليك فرحته ,
* هو حاببنا نكون بنذاكر في الوقت ده .
* هو هيسقيك بايده لما تجيله متميز
* هو هيمسحلك على ضهرك اللي ياما تعبته عشانه وعشان تفرحه
* هو هيقعدك جنب معاذ ، واسامه ، وعلي ، والعظماء دوووول ، ( بالله عليك مش ده كفيل يدينا طاقة مذاكره ست شهور لقدام .؟؟؟ )
برضه مش هنطول اكتر من كده


العنصر التالت : للاسلام : حبيب قلوبنا الغالي
** بالله عليك منفسكش تعليه وتعلى بيه ، وتعزه وتنصره وترفع راسه قدام الاديان اللي كلت وشنا .

** منفسكش تكمل مسيرة حبيبك النبي اللي يااااااما انضرب ودمه سال عشانه .
** منفسكش تقف بيه كده في وش الدنيا كلها وتقول ديني اهو شوفوه ياللي عمركو معرفتوه ولا حسيتوه .
** تعالى اخدك لموقف مهم يوم القيامه سيدنا الحسن البصري بيتخيله : بيقول : وكأن الاسلام يأتي على شكل رجل يوم القيامه ويبص في وشوش كل الناس ، ويشاور ، ويمسك ايد كل واحد ، ويعلي صوته قدام ربنا وقدام كل الخلق اللي واقفين ويقول : ياااااااااارب ده نصرني ، ويااااااااارب ده خذلني


- فياااااااترى انا وانت من انهي فرييييييق فيهم ؟؟؟؟؟ سؤال محتاج لمذاكره وتفوق ، يالا نذاكر .
***********
العنصر الرابع : للأمه :
* اسمع معايا كده صوت من العراق بينادي ، لوحده اسمها نور ، كانت في سجن ابو غريب ، بتقول : الحقونا ، تعبنا بجد ، شكل الاعداء مفزع وهما بيشربو الخمر بوحشيه قدامنا ، وبيعذبونا ، بطونا اتملت من اولاد الزنا ، بنغتصب اكتر من 8 مرات في اليوم ، صديقتي مستحملتش فقعدت تضرب راسها في الحيط لحد ما ماتت ، لو مش هتساعدونا تعالو اقتلونا انتو ومتسيبوهمش يقتلونا هما ,
- وجعك كلامها ، ألمتك رسالتها - صراخها ملا ودانك ، دموعها غرقتك ، حيائها اللي اهين حركك ، طيب قولي .. هتدفع مذاكره قد ايه تمن فداءها والرد عليهم .
** امتنا كانت رقم واحد في كل حاجه ، وخصوصا العلم ، وكل مجال علمي مش بس الديني ، ولو عايز امثله وبراهين مستعد اديييييييييييييييييييك امثله تملا موضوع لوحدها .

** يالا نرفع رايتنا بايدينا ، ونعلي امتنا بكام يوم مذاكره .


**************
العنصر الخامس : للوالدين والاحباب
** فرحتهم عند ربنا في ميزانك تتاقل بالجبال ، ودمعتهم عند ربنا ولا تساوي براكين الدنيا ، فياترى هتذاكر وتفرحهم دنيا واخره ، واللا ايييييييييه ؟؟
** يا بختك صحيح لما تكون سبب في رفعة راس والدك ووالدتك قدام الناس ، حاسسها ؟؟ شايف عزتهم وفرحتهم ، ربنا يكرمك يارب زي ما هتفرحم دنيا واخره .


*********
العنصر الأخير : لنفسك
** هتحترم ذاتك اوي
** هتقول بافتخار انك ناجح ، واسال اللي نزل قبل كده .
** هتاخد الناس لربنا من غير ما تحس ، لان فلان الملتزم متفوق ، الله عليك لما الناس تحب ربنا بسببك .

******************
الكلام كتييييييير ، بس انا حبيت اذكرك وكل احبابنا اللي نفسهم يعملو حاجه كويسه
وانا في انتظار تعليقات حضراتكم ، وكمان لو فيه اسأله او مشاكل في موضوع المذاكره انا تحت امركم

وربنا يعزنا ويعز بنا
والسلاااااااااام عليكم ورحمة الله

"All Talaba" منقــــــــــــــــــول من موقع كل الطلبة
تم تحرير المشاركة بواسطة مسلمه لله وكفى


--------------------
الرجوع الى أعلى الصفحة اذهب الى الأسفل
http://earth4all.getdiscussion.com
فاطمه الزهراء

avatar

عدد المساهمات : 71
تاريخ التسجيل : 22/02/2011

مُساهمةموضوع: رد: هتجيب امتياز السنة دي بإذن الله   الأحد 27 فبراير 2011, 11:07 pm

شكرا جزيلا علي هذا الموضوع الرائع وهذه المعلومات القيمه
وجزاكم الله خيرا كثيرا
الرجوع الى أعلى الصفحة اذهب الى الأسفل
 
هتجيب امتياز السنة دي بإذن الله
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Earth4all &All4earth :: حياتنا :: يلا نشجع بعض-
انتقل الى: